Giktá Suoma bealde nástelužažiin

Earenoamáš birasberošteaddji joavku galgá leat lávddis dán jagi Márkomeanus. Joavku Ravggon, midjas lea Suoma bealde, sáhttá nabdit nástelužasin sámi musihkkamáilmmis.

- Lea mu persovnnalaš jiellahiid gaskkas, sárdnu Márkomeanu festiválajođiheaddji Marita Eilertsen, ja čujuha dasa ahte festivála lea booken váras Vuotso-joavkku Ravggon.

- Ravggon áŋgiruššet earenoamážit birasgáhttengažaldagaide, dán gullá vel sin šuoŋain – ja dan mii ráhkistit. Mii leat ilus beassat leat lávdi artisttaide ja joavkkuide mat leat ”up-and-coming”, ja leat rápmásat presenteret Ravggon-joavkku Márkomeannu-debutántan, muitala festiválajođiheaddji Marita Eilertsen.

Ravggon čuojaha dán jagi vuosttaš geardde Márkomeanu lávddis. Čilgejit iežaset musihka folk-rock-popan, ja orru šaddame hárvveslágan konsearta Gállogiettis.

Ravggon bohte goalmmádin Sámi Grand Prixas 2015is šuoŋain “Máska”. Joavkku teavsttat govvidit dálá máilmmi jallodaga, luonddu ja olmmošsoga billisteami, ja sin lávlla “In Dárbbat Appelsiinnaid” lea šaddan albma YouTube-menestussan.

Vokalista Milla Elmiina Pulska ja gitarista Matti Naakka vuođđudeigga joavkku 2012is, ja muđui mielde joavkkus leat keyboardčuojaheaddji Unna-Maari Pulska, bássačuojaheaddji Erno Karjalainen ja rumbbujeaddji Panu Klemettilä. Joavkku plánaid mielde almmuhuvvo sin vuosttaš skearru Ráji ravddas 2016 mielde, muhto sii leat dál jo ollen almmuhit nana lávlagiid nugo “Mannet Mánnui” ja “In Dárbbat Appelsiinnaid”.

Márkomeannu lágiduvvo dán jagi suoidnemánu 28.-31. beivviid, ja Ravggon čuojahit lávvardaga festiválas.