Rabas virgi festiválajođiheaddjin

Márkomeannu ohcá gelbbolaš ja hutkái olbmo virgái festiválajođiheaddjin Márkomeannus

Ollesáigge virgi 100% (virgeáigodat gitta borgemánu 2024 olggos)

Márkomeannu lea Sámi festivála mii lágiduvvo gilážiin davvi-Nordlánddas ja Mátta-Romssas Norgga beal Sámis. Festiválas lea čielga Sámi olgogovva, ja ovdanbuktá Sámi artisttaid, dáiddáriid ja kulturdolliid miehtá Sámis. Mis lea máŋggabealálaš ja molssolaš prográmma mas gávnnat sihke musihka, visuála dáidaga, lávdedáidaga, girjjálašvuođa, semináraid, valáštallama, vánddardeami, márkana, mánáidprográmma ja nuoraidprográmma festiválas.

Govven: Marita Eilertsen

Mii ohcat olbmo gii ovttasbarggus beaivválaš jođiheaddjin ja buvttadeaddjin galgá jođihit festivála birrajahkásaš doaimma ja leat dáiddavásttolaš, mas Márkomeannu lágideapmi maŋimuš váhkoloahpa suoidnemánus lea allodat. Virgi galgá ovttas beaivválaš jođiheaddjin/buvttadeaddjin, eaktodáhtolaččain ja bargogottiin searvat ovddidit Márkomeannu festiválan. Bargogottis leat gaskkal 50 ja 60 olbmo, geain buohkain leat sierra barggut ja ovddasvástádusat.

Virggi sturrodat lea 100%, ja das lea kantuvrasadji Várdobáikki Sámi Guovddážis Skánis. Bargoálgu lea šiehtadeami duohken.

Gelbbolašvuohta:

Márkomeannu ohcá gelbbolaš olbmo festiválajođiheaddjin. Lea dárbu buriid njálmmálaš ja čálalaš golahallangealbbut ja Sámi kulturgelbui. Sámi giellagealbu deattuhuvvo, muhto ii leat eisege gáibádus. Ohccis bargui berre leat iešheanalašvuohta, disipliidna, njuovžilisvuohta ja hálddašit molssolaš bargguid. Lea ovdamunni jos dus livčče sullasaš bargovásáhusat festivála- dahje kultursuorggis. Festivála lágiduvvo stuorra oasis eaktodáhtolaš bargonávccain, ja persovnnalaš heivvolašvuohta ahte movttiidahttit ja jođihit eaktodáhtolaš bargiid ja bargogotti leat dehálaš iešvuođat dán virgái.  

Bargobihttát:

  • Dáiddalaš jođiheapmi ja ovddideapmi

  • Jođihit Márkomeannu bargogotti, Čávva

  • Márkanfievrrideapmi ja vuovdaleapmi

  • Mediaoktavuohta ja gulahallan olgguldasat

  • Prošeaktajođiheapmi

Virgái maid gullet veahkehit beaivválaš jođiheaddji/buvttadeaddji eará bargguin. Virggis rapporteret beaivválaš jođiheaddjái. 

Persovnnalaš iešvuođat:

Mii ohcat du gii leat mearradiđolaš, ealljár ja hutkái, ja áŋgiruššat earáide. Don barggat bures okto, muhto maiddái ovttas earáin. Don beroštat Sámi dáidagis ja kultuvrras, ja háliidat searvat Márkomeannu ovddideamis.

Mii fállat:

  • Buriid vejolašvuođaid persovnnalaš ja fágalaš ovddideapmái

  • Hávskes bargobirrasa miellagiddevaš festiválas

  • Molssolaš bargobihttát

  • Njuovžilis bargoáiggit

  • Bálká šiehtadeami duohken

  • Kantuvrasadji Várdobáikki Sámi Guovddážis

Váldde áinnas oktavuođa minguin jos ležžet gažaldagat dahje siđat eambbo dieđuid virggi birra.

Ohcanáigemearri: 25.11.2021

Oktavuohta:    

Stivrajođiheaddji Mats-Levi Olsen, tlf.: 404 50 794, e-poasta: mats@markomeannu.no             

Stivralahttu Magnus Storvoll Strømseth, tlf.: 90272770, e-poasta: magnus@markomeannu.no

Ohcamuš CV:ain ja referánssain sáddet e-poasttas: styret@markomeannu.no

Ane Margrethe Ugelvik