Márkomeannu 2022

Luondoduhkoraddanšillju - Imašláđđu

Festiválabáikái lea ceggejuvvon agálaš rusttega mii bovde mánáid sisa boahtit duhkoraddat. Dološ návetbázahusat – earret eará muhkkegeallir, návetšaldi ja silo – leat hábmejuvvon soaiggus duhkoraddanšilljun.

Prošeakta lea dáiddalaš ovttasbargu sámi šuokŋadahkki Ánndaris Rimpi ja arkiteakta Joar Nango gaskka. Soai leaba ovttasbargan máŋga jagi máŋga guovlluin rusttethábmemin, mas arkitektonalaš rusttegat ja jietnagovva hábmejuvvot oktii birrasiin ja ráhkada ođđa dáidagiid. Guhkes ovttasbarggus dáiddár guoktá leaba gárggiidan ovttasdoaibma mas Nango bargá gámmirin, ávdnasiiguin ja hábmemin, dan botta go Rimpi ráhkada jietnagova mii ealáskahttá lanjaid, ávdnasiid ja čuovgga.

Bearjadaga dii. 12.00 lea Imašláđu almmolaš rahpan mas Lávre Johan Eira čuojaha erenoamážit diŋgojuvvon mánáidkonseartta, “Eará ilmmi luođit ja muitalusat”. Konsearta čuojahuvvo maid lávvordaga dii. 12.00. 

Lávvordaga dii. 15.30 lea vuos 30-minuhtasaš logaldallan Brita Pollaniin uldda ja balddonasaid birra, ja dan maŋŋá lágiduvvo ságastallan gaskka Joar Nango, Ánndaris Rimpi, Arne Terje Sæther ja Sigbjørn Skåden, geat buohkat leat leamašan mielde čađahit duhkoraddanšilju. Duhkoraddanšillju lea rabas olles festivála ja mii hástit buot festiválagussiid iskkadit dan.

Imašláđđu lea ovttasbargu gaska Márkomeannu ja Várdobáiki Musea. Prošeavtta juolludeaddjit leat KORO, Nordlándda Fylkkasuohkan Miljømillionen, Sparebankstiftelsen Sparebank 68° Nord, Várdobáiki ja Márkomeannu.