Girjealmmuheamit dán jagi nai!
Ii juohke gilis leat iežas girjelágádus, ja erenoamážit ii sierra sámigirjelágádus. Skániid Girjie lea 17 jagis riggodahttán min sámi girjjálašvuođain, ja mii leat rámis go beassat leat searvvis ovdanbuktit lágádusa ođđa girjjiid maiddá dán jagi!
Govven: Trym Ivar Bergsmo
Čuovvovaš girjjit almmuhuvvojit dán jagi:
Beate Heide: Cuvkejuvvon váibmu- govvagirji mánáide ja rávisolbmuide (mánáidgirji)
Magne Einejord: Áiggit iežahuvvet (jietnagirji)
Márkosámi biras soađi mannjel
Čoarddá Mávdnu govve románas márkosámi biras garra áiggis gonne dáruidduhttin lei rievttes bálggis rievttes eallimii. Girjji «mon» lea gaskkajáhkahas sámi nuorra vuosttaš logi jagi maŋŋel nubbe mailmmesoađi, ja lea čuovvu ja geahčči dasa mii dáhpáhuvvá dáruidduhttimis su Márkku gillis. Beassat čuovvut máŋggaid bálgáid dáruidduhttiimii, ja máŋggaid bálgáid dáruidduhttiima vuoste. Čoarddá Mávdnu vuoseha birrasa mii mángasat sáhttet dovdat. Skovllát, hálddahus, kántuvrrat, áššemeannodeamit, poletihkat, oppalaš servvodat ii veaháš gen vuhtii váldde sámi višu, sámi árvvuid ja ávvira. Girjji «mon» oažžu vaksen olmmožin simme dovddu go siiddas lea oahppan, ja son ovdinahttá dan. Čálli lea saddan bejáš diekkár áiggis. Son dovdá kultuvrralaš, gielalaš ja politihkalaá norddináiggi.
Sáhttá go cuvkejuvvon váimmuin eallit?
Dát lea okta gažaldat maid vihttajahkásaš Lisá bidjá biebmoeadnái Petra go sirddašuvvo biebmosiidii dan dihte go su vánhemat eaba máhte su bearráigeahččat. Biebmoeadni ii jáhke dan gal, ja geavaha danin visot návccaid dahkat Lisá váimmu fas ollásin. Dát lea govvagirjji “Cuvkejuvvon váibmu” fáddá, girji maid Skániid girjie lágádus almmuha dán jagi Márkomeanus.
Girji lokte biebmosiidaproblematihka, midjas lea váttis fáddá Norggas, go lea čadnon sihke heahpadii, sivalašvuhtii ja ovttasvástádussii leahkit sihke biebmománnán ja biologalaš vánhemin guhte lea mássán ovddasmorraša mánáide. Girjjis lea máná perspektiiva ja muitala makkár hástalus lea mánnái ipmirdit iežas dobddamušaid ja reakšuvnnaid, ja makkár ipmárdus biebmovánhemis ferte leahkit jus galgá hukset dorvvu ovddasmorašdilálašvuođas. Girji loahppá positiivvalaččat Lisái, go lohkki čuovvu su ohcama váibmobihkiide, dálkkasin cuvkejuvvon váibmui.
Dát leat 58. ja 59. girjjit maid Skániid girjie almmuha. Lea buorre ovdamearkan dasa ahte gámnojit báikkálaš doaimmat guovllus mat ovttas reidejit buriid buktagiid girječálliiguin. Girječállit ja lágádus leat sajis go girjjit presenterejuvvojit. Doppe oažžu guhkkit presentašuvnna ja beassá gullat osiid lohkkojuvvon goappášiid girjjiin.