Vuoruhit birrasa
Ođđasit ruvkut boares ábnasiid, doapparsirren ja báikkálaš biebmu leat guovddáš oasit go sámi festivála Márkomeannu bovde meanuide márkkus unnit go guokte vahku das. Birasgáhtten lea šaddan dehálaš vuođđojurddan festiválii.
Birashoavddat Ane Margrethe Ugelvik ja Magnus Storvoll Strømseth, geat leat goappašagat virgeolbmot organisašuvnnas Natur og ungdom, leat dán jagi doallan lagas ovttasbarggu festivála juohke bargosuorgái vai festivála šaddá nu birasseasti go vejolaš.
- Álgojurdda lea ahte galgá smiehttat birrasa birra juohke suorggis go lágida festivála. 2015is lei vuosttaš jagi go Márkomeanus ledje sierra birashoavddat festiválas, ja dán jagi leat min birashoavddat buoragit hárjánan bargui, moddjá festiválajođiheaddji Marita Kristin Eilertsen.
Dán jagi gámno sierra sirrenstášuvdna gussiide festiválacampas, ja sidjiide bohtet nai hui ávkin min ođđa olgohivssegat – dieđus huksejuvvon resirkulerejuvvon ábnasiiguin.
- Mii leat leahkán nu lihkolaččat ahte leat ožžon ábnasiid boares vivssiin ja huotnahiin utnolaš ránnjáin, ja dát ábnasat galget earret eará ruvkojuvvot hukset olgohivssegiid, muitala Eilertsen.
Nai festivála biebmovuogdinbáikkis, Boaššu, lea birasgáhttenjurdda leahkán guovddážis. Menya, midjas lea reidejuvvon ovttasbarggus nástekoahkain Martin Jönssoniin, guossohuvvo birasseasti geardegáriin. Báikkálaš biebmoábnasat ja sámi árbevirolaš biepmut, guossohuvvon pálbmalásttain.
- Ođas dán jagi lea ahte borrá gaittin gaskabeivviid hábmejuvvon pálbmalásttain, ja geavaha vel birasseasti geardeboradanneavuid. Dain eai gámno birasmirkkut ja gollet 100 proseanta lundui. Norgga vuosttaš fitnodat midjas fállá njukčamerkejuvvon geardegáriid, Greenway Norge, lea veahkehan min gámnat buriid čovdosiid min festiválii. Váldet gahččon pálbmalásttaid niehttešattus Indias, doidet lásttaid, ja geavahit alla lieggasa presset daid rivttes hápmái. Dál sáhttá bálkestit sihke gáriid, biepmu ja boradanneavuid njuolga biebmoruskái, sárdnu festiválajođiheaddji Marita Kristin Eilertsen.
Márkomeannu lágiduvvo Gállogiettis Evenášši suohkanis, suoidnemánu 28.-31. beivviid.