Márkomeannu dárbbaša du:
dieđit iežat eaktodáhtolažžan dál!
Nu hávski ahte háliidat bargat eaktodáhtolažžan Márkomeannus! 2024:s sáhtát bargat 12 diimmu festiválas (áinnas eambbo jus háliidat) ahte dinet festiválapássa, t-báiddi ja borramuša dan botta go barggat. Ahte bargat eaktodáhtolažžan min geahčen fertet leat deavdán 16 jagi.
Márkomeannu dárbbaša eaktodáhtolaš bargiid dáid doaimmaide:
Boaššu
Boaššus vuvdet ja guossohit biepmuid festiválaoassálastiide ja eaktodáhtolaččaide. Juohke vávttas leat gaskal vihtta ja gieža/čieža olbmo geat barget ovttas iešguđege doaimmaiguin nugo biepmuid bassit, kássa, iešguđetlágan borramušaid reidet/ráhkadastit/guossohit ja ieža/eará dahkamušat (bidjat vuogdingálvvuid, smolget/čorget jna).
Festiválaguossoheaddji ja sihkkarvuohta
Deháleamos festiválaguossoheaddjin lea fuolahit ahte festiválagussiin lea buorre ja sihkkaris festiválavásáhus. Festiválaguossoheaddjit dárbbašuvvojit verráhiin, biilaguođđinsajis, ovddabealde lávdeduogábeale ja gohttensajis. Eanaš dáid báikkiin ferte leat badjel 18 jagi.
Biras ja ruskkaidsirren
Márkomeannu galgá leat ruoná festivála mii váikkuha nu unnán go vejolaš birrasii ja dálkkádahkii, ja dán jagi sihtat mii sirret buot ruskkaid. Veahket festiválagussiid ruskkaid sirret riekta ja leage mielde dagaheame ahte Márkomeannu 2022 šaddá ovdamearkan mo galgá eallit ceavzilit.
Bileahttavuogdin ja akkrediteren
Go viimmáskan festiválagearggus guossit bohtet festiválii, de lea bileahttavuogdin vuosttaš bisánansadji sidjiide. Dáppe galgá veahkehit gussiid lonuhit bileahtaid mat leat ovddalgihtii ostojuvvon giehtabáddin dahje vuogdit festiválagiehtabáttiid. Bileahttavuogdin rahpasa bearjadaga iđđedis ja lea rabas nu guhká go festiválabáiki lea rabas gussiide.
Logistihkka ja sáhtostallan
Festiválas leat ollu dávvirat ja olbmot maid ferte sáhtostallat duohkot deike. Mii dárbbašat buriid vuddjiid sáhtostallat artisttaid, gehččiid, dávviriid ja gálvvuid. Dá leat somás bargovuorut, go festiválaguossit leat erenoamáš giitevaččat go sin dávvirat sáhtostallojuvvojit garra vuostálahkii gohttensadjái. Dus ferte dieđusge leat vuodjinkoarta.
Govven
Govvedeaddjin darvvihat erenoamáš bottožiid festiválas buohkaide illun. Leago dus govvenhárjáneapmi dahje liikot go govvet? Geahččal bargat festiválagovvideaddjin. Dáinna doaimmain beasat duođaid vásihit festivála smávva ja stuorra dáhpáhusaid, go fal anát čalmmiid rabas. FUOMÁŠ! Dus ferte leat iežat kamera.